"ПСЖ" клуб бош мураббийи Кристоф Галтье ва унинг оиласини тансоқчилар билан таъминлади. Бу ҳақда Le Parisen хабар бермоқда. Манбага кўра, мутахассиснинг оиласига шахсий таҳдидлар кела бошлаган.
Эслатиб ўтамиз, бугун Галтье ирқчилик маъносидаги сўзлари пайдо бўлди, у "Ницца" жамоасида бош мураббий бўлиб ишлаётган пайтда айтган. Мураббийнинг гапларидаги ирқчилик исботланса, эҳтимол у ишдан бўшатилади.
Аввалроқ, "ПСЖ" ушбу иш туфайли ички текширув бошлагани ҳақида хабар берган эдик, кейинроқ Галтьенинг адвокати вазиятга муносабат билдирган эди.
Кристоф Галтье 2022 йилнинг ёзидан буён "ПСЖ"ни бошқариб келмоқда ва мутахассис клуб билан икки йиллик шартнома имзолаган.
