Мадриднинг “Реал” клуби ярим ҳимоячиси Лука Модрич Саудия Арабистони клубларидан бирига ўтишни рад этди. Журналист Томас Гонсалеснинг ёзишича, хорватга йилига 30 миллион евро маош билан икки йиллик шартнома таклиф қилинган, бироқ футболчи бу имкониятдан воз кечган, чунки у "Реал"да қолишни истайди.
Манбанинг хабар беришича, Модрич аллақачон жамоадошларига муддати тугайдиган шартномани узайтириш истаги ҳақида айтган. Лука "қироллик клуби"да кейинги мавсумда ўйнашда давом этиш ниятида.
Эслатиб ўтамиз, Модрич 2012 йилнинг ёзида Лондоннинг "Тоттенхэм" клубидан "Сантьяго Бернабеу"га ўтганидан бери "Реал" шарафини ҳимоя қилиб келмоқда.
