УЕФА Чемпионлар лигасида ҳафтанинг энг яхши гол муаллифи бўлиш учун тўрт нафар номзод номини эълон қилди.

Родри ("Манчестер Сити"), Николо Барелла ("Интер"), Исмоил Беннасер ("Милан") ва Марко Асенсио ("Реал") томонидан киритилган голлар рўйхатга олинди.

Энг яхши голни аниқлаш учун овоз бериш УЕФА расмий сайтида бўлиб ўтади.

Эслатиб ўтамиз, Чемпионлар лигаси 1/4 финалининг дастлабки ўйинларида "Манчестер Сити" ўз майдонида "Бавария"ни (3:0), "Интер" Лиссабонда "Бенфика"ни (2:0), "Реал Мадрид" "Челси"ни (2:0) мағлуб этганди. "Милан" эса ўз майдонида "Наполи"дан (1:0) устун келди.