"Наполи"нинг энг яхши тўпурари Виктор Осимхен жароҳати сабаб жамоанинг сўнгги ўйинларини ўтказиб юборди. Чемпионлар лигаси 1/4 финалининг “Милан”га қарши биринчи ўйинида (0:1 мағлубият) майдонга тушмади. Аммо иккинчи ўйинда Осимхен майдонга тушиши керак.
"Осимхеннинг жавоб ўйинига тайёр бўлиш эҳтимоли 100%. Биз шанба куни шифокорлар томонидан бажарилган ишларни якунлаш учун уни таваккал қилмаймиз”, деди “Наполи” бош мураббийи журналистларга.
2022/2023 йилги мавсумда Осимхен 29 та ўйинда 25 та гол урди ва 5 та голли узатмани ҳамкорларига тақдим этди.
