"Катта дубулға" турнирларининг 20 карра чемпиони Рожер Федерер "ПСЖ" ва Аргентина терма жамоаси ҳужумчиси Лионель Мессининг буюклиги ҳақида гапирди.
“Мессининг голлари ва чемпионлик рекордларини санаб ўтиш шарт эмас. 35 ёшли Мессининг менга айниқса ёқадиган жиҳати унинг кўп йиллар давомида ўзгармас буюклигидир. Бунга эришиш ва кейин уни сақлаб қолиш жуда қийин.
Ёшлигимда Диего Марадона ва Габриел Батистута менинг севимли аргентиналик футболчиларим эди. Мен иккаласи билан учрашишдан хурсанд бўлдим. Улар мени илҳомлантирдилар. Энди Месси келажак авлодларга илҳом бера олади", - дейди Федерер.
