Испаниянинг "Севилья" клуби бош мураббийи Хосе Луис Медилибар Европа лигаси 1/4 финалида "Манчестер Юнайтед"га қарши ўйин натижаси ҳақида фикр билдирди. Андалусияликлар биринчи бўлимда 0:2 ҳисобида мағлуб бўлишди, аммо якунда иккита автогол эвазига дуранг натижани қўлга киритишди.
"Европа лигасида "Севилья"нинг руҳига эга жамоалар жуда кам. Ҳаттоки, "Манчестер Юнайтед" ҳам ҳисоб 2:1 бўлганида биздан қўрқиб кетди. "Севилья" ушбу мусобақада ажойиб тарихга эга, бу эса бизни янада буюкроқ қилади", — деди Медилибар УЕФА матбуот хизматига.
Қарама-қаршиликнинг жавоб ўйини 20 апрель куни Севильядаги "Рамон Санчес Писхуан" стадионида бўлиб ўтади.
