"Ливерпуль" бош мураббийи Юрген Клопп Англия Премьер-лигасида "Лидс"га қарши ўйинда ярим ҳимоячи Луис Диаснинг сафга қайтишини маълум қилди.
Эслатиб ўтамиз, колумбиялик футболчи жароҳати туфайли мавсумнинг аксарият қисмини ўтказиб юборганди.
"У яхши машғулотларда иштирок этди, мен буни 100 фоиз ишонч билан айтаман. Луис қайтишга тўлиқ тайёр, аммо биз уни аста-секин қайта интеграция қилишимиз керак. У "Лидс"га қарши ўйинда асосий таркибда бўлади. Тьяго? Менимча, Алькантара "Лидс"га қарши асосий таркибда майдонга тушишга номзод", - деди Клопп матбуот анжуманида.
Диас жароҳат олдидан бу мавсумда Премьер-лиганинг 8 ўйинида учта гол урди ва иккита голли узатмани амалга оширди.
