Суперлиганинг 6-тур ўйинида "Пахтакор" Тошкентда "Сўғдиёна"ни қабул қилади.
Миллий чемпионатлар доирасида ўзаро 54 учрашув бўлиб ўтган. 42 беллашувда жамоамиз ғалабага эришган бўлса, 6та ўйинда дуранг қайд этилган ва 6 баҳсда "Сўғдиёна"нинг ғалабаси қайд этилган. 129 гол урган "Шерлар" ўз дарвозасидан 42 тўп ўтказиб юборишган. "Пахтакор"нинг энг йирик ғалабалари 6:1 ва 5:0 ҳисобларида кузатилган. Тошкентдаги 27 баҳснинг 25тасида "Пахтакор" ғалабани нишонлаган. Шундан 12 ғалаба йирик натижа билан қўлга киритилган. Ўз майдонида "шерлар" 92 гол уриб, 18 тўп ўтказиб юборган. Фақат бир мартадан жиззахликлар ютуғи ва дуранг қайд этилган.
"Пахтакор" ва "Сўғдиёна" жамоалари ўртасидаги ўйин 15 апрель, шанба куни соат 18:10да "Пахтакор" стадионида бошланади.
