Туриннинг "Ювентус" клубининг 34 ёшли ҳимоячиси Хуан Куадрадо жорий мавсум охирида клубиини ўзгартириши мумкин.

Todofichajes нашри хабарига кўра, колумбиялик футболчининг хизматларига "Рома" қизиқиш билдирмоқда.

Рим клуби тажрибали футболчини текинга олиши мумкин, чунки унинг “кекса синьора” билан шартномаси 2023 йилнинг июнь ойи охиригача тузилган.

Куадрадо "Ювентус"да 2017 йилнинг июлидан буён ўйнаб келмоқда. Италия чемпионатининг жорий мавсумида Хуан 23 та учрашувда қатнашиб, битта гол ва учта голли узатмага муаллифлик қилган. Колумбиялик футболчида тўртта сариқ ва битта қизил карточка бор.