"Барселона" Илкай Гюндоган билан ёзги трансфер бўйича келишувга яқин турибди.
Diario Sport нашри хабарига кўра, ёзда эркин агентга айланиши мумкин бўлган ярим ҳимоячи "Манчестер Сити"нинг шартномани узайтириш таклифини қабул қилмаган ва "Барселона"га ўтишга рози бўлган.
Гюндоған 2+1 схемаси бўйича шартнома имзолайди ва солиқлар олдидан мавсум учун тахминан 12 миллион евро маош олади.
Илкай "Манчестер Сити"да 2016 йилнинг ёзидан буён ўйнаб келмоқда. Жорий мавсумда у барча мусобақаларда "шаҳарликлар"нинг 40 та ўйинида майдонга тушиб, 5 та гол урди ва 4 та голли узатмани амалга оширди.