“Манчестер Юнайтед” ярим ҳимоячиси Марсел Забитцер Европа лигасида ҳафтанинг энг яхши футболчиси деб топилди.

29 ёшли австриялик хавбек “Севилья”га (2:2) қарши турнирнинг чорак финали биринчи ўйинида дубль қайд этди. Овоз беришда у Оркун Кекчю (“Фейеноорд”), Виктор Бонифас (“Юнион”) ва Федерико Гатти (“Ювентус”)ни ортда қолдирди.

Забитцер манкунианликлар сафида ижарага асосида ҳаракат қилмоқда. У клуб сафида 13 та ўйинда майдонга тушиб, 3 та гол урди ва 1 та голли узатмани амалга оширди.