"Манчестер Сити" бош мураббийи Хосеп Гвардиола Лондоннинг "Арсенал" жамоасининг савияси ҳақида гапирди.
Микель Артета жамоаси 30-турдан кейин 73 очко билан Премьер-лига турнир жадвалида пешқадамлик қилмоқда. "Шаҳарликлар" 29 ўйин ўтказиб, 67 очко жамғарган ҳолда иккинчи поғонада бормоқда.
"Биз яхши кўринмоқдамиз, аммо бизнинг муаммомиз шундаки, "Арсенал" жуда яхши ҳаракат қилмоқда. Рақобатчимиз ажойиб кўриняпти ва мен бизнинг аҳволимизни ҳалокатли деб айтмаган бўлардим. Ҳа, лигада ҳозирда биздан яхшироқ жамоа бор, буни тан олишимиз керак, аммо биз курашни давом эттирамиз", - деди Гвардиола матбуот анжуманида.
