Икер Касильяс деярли бутун фаолиятини "Реал"да ўтказган. Испаниялик дарвозабоннинг сўнгги клуби "Порту" бўлган ва дарвозабон юраги билан боғлиқ муаммолар туфайли фаолиятини якунлашга мажбур бўлган.
Касильяснинг сўзларига кўра, ўз вақтида у Италияда ўйнаш имконияти ҳақида ўйлаган.
"А Серияда ўйнаш ҳақида ҳеч ўйлаб кўрганмидим? Ҳақиқатда, ҳа. Мен Италиядаги барча жамоаларни жуда ҳурмат қиламан. Лекин "Реал" - бу "Реал", - деди Касильяс DAZN билан суҳбатда.
Касильяс, шунингдек, "Ювентус"нинг гегемонлиги тугаши Италия футболига фойда келтирганиниайтди.
Айни дамда “Наполи” А серияда пешқадамлик қилмоқда. Клуб 1990 йилдан бери биринчи марта чемпион бўлиши мумкин.
