"Лидс" дарвозабони Илан Мелье клуб мавсум якунида Премьер-лигадаги ўрнини сақлаб қолган тақдирда ҳам жамоани тарк этмоқчи, дея хабар беради Football Insider.
Манбага кўра, "Челси" Мельега жиддий қизиқиш билдирмоқда. Бундан ташқари, унга "Тоттенхэм" ва "Манчестер Юнайтед" ҳам қизиқиш билдирмоқда, бироқ айнан "кўклар" футболчига асосий даъвогар сифатида кўрилмоқда.
Мелье 2020 йилдан бери "Лидс" сафида ҳаракат қилмоқда. Жорий мавсумда 23 ёшли франсиялик футболчи барча мусобақаларда 34 та ўйинда майдонга тушиб, 60 та гол ўтказиб юборган ва 5 марта ўз дарвозаси дахлсизлигини сақлаб қолган.













