"Барселона" "ПСЖ" ҳужумчиси Лионель Мессини қайтариш устида ишламоқда.

Журналист Жерар Ромеронинг ёзишича, Ла Лигада улар Каталония клуби 35 ёшли аргентиналик футболчи билан шартнома бўйича аллақачон келишувга эришган деб ҳисоблашмоқда. Қайд этилишича, “Барселона”нинг маркетинг бўлими аллақачон Леонинг эҳтимолий қайтишига ҳозирлик кўрмоқда.

Март ойи охирида "Барселона" Ла Лигага Мессининг қайтиши мумкин бўлган иқтисодий режани тақдим этди. У ташкилотга мос келмади, аммо тез орада каталонияликлар янги версияни тақдим этишади. "Барселона" президенти Жоан Лапорта аллақачон ҳужумчи трансферини молиялаштириш учун ташқи ҳомийларни қидирмоқда.

Мессининг "ПСЖ" билан амалдаги шартномаси 2023 йилнинг ёзига қадар амал қилади. У жорий мавсумда клуб сафида 34 та ўйинда майдонга тушиб, 19 та гол урди ва 18 та голли узатмани амалга оширди.