"Челси" ва Франция терма жамоасининг собиқ ярим ҳимоячиси Флорен Малуда Килиан Мбаппенинг Премьер-лига клуби билан шартнома имзолашини жуда хоҳлаётганини айтди.
"Мен узоқ вақтдан бери Мбаппенинг "Челси"га ўтишини амалга оширишни истайман. Муваффақиятга эриша олмасам ҳам, лекин давом этаман, чунки Премьер-лига дунёдаги энг рақобатбардош лига ва мен уни ўша ерда кўришни жуда хоҳлайман", - дея Малуда сўзларини келтиради AS.
Мбаппе шу пайтгача бутун фаолиятини Францияда ўтказган. Айни дамда франциялик футболчи "ПСЖ" етакчиларидан бири ҳисобланади.