Мюнхеннинг «Бавария» клуби бош мураббийи Томас Тухель сенегаллик ҳужумчи Садио Мане «Манчестер Сити»га қарши Чемпионлар лигаси 1/4 финал жавоб ўйинида жамоага ижобий формада қайтишини айтди.
«Садио кучсиз ўйинига жавоб қайтарди ва узр сўради. Эртага у одатдагидек машғулотларга қайтади ва «Манчестер Сити»га қарши ўйинда майдонга тушади», деди Тухель «Хоффенхайм»га қарши ўйиндан кейин (1:1) матбуот анжуманида.
Эслатиб ўтамиз, Чемпионлар лигасининг биринчи чорак финалидан сўнг Мане ва унинг жамоадоши Лерой Сане ўртасида ўзаро жанжал келиб чиққан ва натижада сенегаллик немиснинг юзига зарба берган эди.
Жавоб ўйини 19 апрель куни Германияда бўлиб ўтади.
