Каталониянинг "Барселона" клуби бош мураббийи Хави Эрнандес ёзда янги ўнг қанот ҳимоячиси билан шартнома имзоланиши мумкинлиги ҳақида гапирди.
Эслатиб ўтамиз, “кўк-анорранглилар” аввалроқ “Вильярреал” ҳимоячиси Хуан Фойт ва “Бавария”да ижарада ҳаракат қилаётган "Манчестер Сити" футболчиси Жоау Канселуга қизиқиш билдирганди.
“Ўнг қанот ҳимоячиси? Ҳозиргача бу позицияда ўйнашга муваффақ бўлган барча футболчиларнинг ўйинларидан мамнунман. Биз Кунде, Араухо, Серхи Роберто ва ҳатто Алехандро Бальдедан ҳам ўнг қанотда фойдаланишимиз мумкин. Кейинги мавсумни бироз кейинроқ режалаштиришни бошлаймиз”, - деди Хави матбуот анжуманида.
