"Лейпциг" ярим ҳимоячиси Дани Ольмо "Барселона"га ўтмоқчи. Журналист Кристиан Фалькнинг ёзишича, испаниялик ярим ҳимоячи ўзи тарбия топган жамоага қайтишни истамоқда.
Ольмонинг "Лейпциг" билан шартномаси бир йилдан кейин тугайди, аммо немис жамоаси футболчини олиб қолмоқчи. Олдинроқ ярим ҳимоячининг трансферига Мадриднинг “Реал” клуби ҳам қизиқиш билдираётгани хабар қилинганди, бироқ “Қироллик клуби” ҳозирча аниқ ҳаракатларни бошламади.
Ольмо жорий мавсум Бундеслигада 2 та гол урди ва 4 та голли узатмани амалга оширди.













