"Манчестер Юнайтед" бош мураббийи Эрик тен Хаг Харри Магуайр ва Бруну Фернандешнинг турли учрашувларда сардорлик боғичини тақиб юриши муаммоми, деган саволга жавоб берди.
“Улар бир-бирларини ҳурмат қилишади ва биргаликда ишлашади. Ҳозирча бу ишламоқда. Жамоага кўпроқ етакчилар керак. Магуайр ва Фернандеш етакчилардир, аммо бизда яна бошқалар ҳам бор Варан, Каземиро, Давид де Хеа ва Лисандро Мартинес, улар бу борада жуда яхши ривожланган”, - дейди мутахассис.
"Манчестер Юнайтед" жорий мавсумда АПЛда 29 турдан кейин 56 очко билан тўртинчи ўринни эгаллаб турибди.
