"Челси" жамоасига доимий бош мураббий қидирмоқда. Секин-аста клуб номзодлар билан учрашувлар ўтказиб, рўйхатни қисқартиришга ҳаракат қилади. The Times нашрининг ёзишича, Юлиан Нагельсманнинг “аристократлар” директорлари билан биринчи учрашуви пайшанба куни бўлиб ўтган.
Миш-мишларга кўра, Нагельсманнинг номзоди "Челси" раҳбариятини ўзига жалб қилмоқда. Бироқ, ҳозирча якуний қарор қабул қилинмаган. Аввалроқ “Челси” раҳбарлари Луис Энрике билан учрашганди.
Эслатиб ўтамиз, Фрэнк Лэмпард "Челси" билан мавсум охиригача ишлайди.