“Манчестер Юнайтед” марказий ҳимоячиси Лисандро Мартинес Европа лигаси нимчорак финалида “Севилья”га қарши ўйинда (2:2) жароҳат олганидан кейин илк бор ўз фикрларини билдириб ўтди.
“Мен тез орада қайтишимни биламан. Ҳозирча барча жамоадошларимни мақсадларимизга эришишда қўллаб-қувватлашда давом этаман.
Мен олган хабарлар ва қўллаб-қувватлашлар сони ҳайратланарли эди, улар ҳозир менга куч ва далда беради. Барчангизга чин қалбимдан катта раҳмат”, - дейди Мартинес.
"Манчестер Юнайтед" мавсум якунига қадар камида 11 та ўйин ўтказади. Агар жамоа Европа лигаси ва Англия кубоги финалига чиқса, ўйинлар сони 15 тага кўпайиши мумкин.
