«Барселона»нинг ўнг қанот ҳимоячиси Серхи Роберто мавсум якунига қадар тикланишга улгурмаслиги мумкин.

31 ёшли футболчи 0:0 ҳисобида якунланган «Хетафе»га қарши баҳснинг 18-дақиқасидаёқ жароҳат олган эди.

Журналист Хави Мигелнинг ёзишича, «Барселона» вакиллари Серхи Робертонинг бир ойдан ортиқ майдонга туша олмаслигига ишонмоқда. Шу тариқа, катта эҳтимол испаниялик футболчи энди жорий мавсумда бошқа майдонга тушмайди.

Серхи Роберто жорий мавсумда «кўк-анорранглилар» сафида 30 та ўйинида майдонга тушиб, 4 та гол урди ва 3 та голли узатмани амалга оширди.