"Арсенал" бош мураббийи Микель Артета Премьер-лигани жуда қийин чемпионат деб ҳисоблайди.
“Канонирлар” “Вест Хэм”ни мағлуб эта олмади (2:2) ва икки тўп фарқи билан устунликни бой берди. Тур якунига кўра, Артета жамоаси ва иккинчи ўриндаги "Манчестер Сити" ўртасидаги фарқ олтидан тўрт очкога қисқарди.
“Ушбу лигада ғалаба қозониш жуда қийин. Ҳар бир ўйинда, таблодаги натижа қандай бўлишидан қатъи назар, натижага эришиш учун 90 дақиқа давомида энг яхши футболни кўрсатиш керак. Буни кечаги ўйинларда ҳам кўрдик. Ҳар бир жамоа сўнггига қадар курашади, ўттиз дақиқалик яхши ўйин бу ерда етарли эмас", - дейди испаниялик мураббий.
