"Милан"га ижарага берилган "Барселона"нинг ўнг қанот ҳимоячиси Сержиньо Дест ёзда ўзига янги клуб излаши керак.

Аввал хабар қилинганидек, ижара шартномасида бундай имконият борлигига қарамай, “россонерилар” америкалик футболчини сотиб олмоқчи эмас. Испан нашрларининг ёзишича, “Барселона”га ҳам футболчи керак эмас: бош мураббий Хави Эрнандес 22 ёшли ҳимоячига ўз жамоасида жой кўрмаяпти. Кўриниб турибдики, мавсум якунланганидан кейин, агар таклифлар бўлса, латераль сотилади.

Сержино Дест бу мавсумда "Милан" сафида бор-йўғи 14 та ўйинда майдонга тушди. Футболчининг "Барселона" билан шартномаси 2025 йилгача мўлжалланган.