«Атлетико Мадрид» бош мураббийи Диего Симеоне «Барселона»нинг савияси ҳақида ўз фикрлари билан ўртоқлашди.

Якшанба куни «матрасчилар» Ла Лигада «Альмерия»ни (2:1) мағлуб этиб, қаторасига олтинчи ғалабасини қўлга киритди, «кўк-анорранглилар» эса «Хетафе»ни мағлуб эта олмади (0:0).

Хави Эрнандес шогирдлари 73 очко билан турнир жадвалида ҳамон пешқадам бўлиб турибди, жамоа «Реал» ва «Атлетико»дан мос равишда 11 ва 13 очкога олдинда.

«Натижалар шуни кўрсатдики, бу мавсумда «Барселона» чемпионатда ҳаммадан устун, аммо ҳозир жамоада жароҳатлар кўп, сўнгги икки ўйинда дуранг қайд этилган.

Бугунги ўйинимиз мени некбинлик билан илҳомлантирмоқда», - деди Симеоне. «Барселона» - «Атлетико» учрашуви 23 апрель куни бўлиб ўтади.