"Ан-Наср" Зинедин Зиданни бош мураббий этиб тайинламоқчи, дея хабар бермоқда Marca нашри.
Қайд этилишича, клуб франциялик мутахассисга йилига 60 миллион евролик икки йиллик шартнома таклиф қилган. Мураббийнинг ўзи ва унинг атрофидагилар бу таклифга ҳозирча муносабат билдиришмаган. Олдинроқ "Ан-Наср" Жозе Моуриньонинг ҳам номзодини кўриб чиқаётгани хабар қилинганди.
Руди Гарсия "Ан-Наср" бош мураббийлигидан озод этилганди. Португалиялик ҳужумчи Криштиану Роналду шу жамоада ўйнайди. Зидан ва Моуриньо у билан "Реал Мадрид"да бирга ишлаган.
"Ан-Наср" Саудия Арабистони чемпионатида 23 учрашувда 53 очко жамғарган ҳолда иккинчи ўринда бормоқда. Биринчи ўриндаги "Ал-Иттиҳод" ҳисобида 3 очко кўп очко бор.
50 ёшли Зидан 2021 йилда "Реал"ни тарк этганидан бери ишсиз юрибди.
