"Барселона" бош мураббийи Хави Ла Лиганинг 29-тури доирасидаги "Хетафе" билан ўйиндаги дуранг (0:0) ҳақида фикр билдирди.
“Мени кўп танқид қилишди, лекин бугун буни ҳамма кўрди. Бундай ўйнаш қийин, тўп майдон бўйлаб айланмади. Бу томошабин учун ёмон, ҳатто "Хетафе" учун ҳам.
Албатта, бу баҳона эмас. Биз ҳужумда кўпроқ имкониятлар яратишимиз керак, аммо биз бир очко олдик. Ва биз бошдан кечирган ноқулайликларни ҳисобга олсак, бу ёмон натижа эмас.
Айни дамда мен хоҳлаган нарса - жароҳатланган футболчиларни қайтариш. Баҳона қилишга ҳожат йўқ, бизда энг яқин таъқибчидан ўн бир очко олдинда бораётган ажойиб жамоа бор. Мавсум якунлангач, нима бўлганини кўрамиз", - деди Хави.
