"Манчестер Юнайтед" бош мураббийи Эрик Тен Хаг Европа лигасига доирасида "Севилья"га қарши бўлиб ўтадиган ўйинда ижобий натижани қўлга киритишга умид қилмоқда.
Якшанба куни “Ноттингем Форест” устидан 0:2 ҳисобида ғалаба қозонган “Юнайтед” энди бор эътиборини яна Европа Лигасига қаратади. “Қизил иблислар” ўтган пайшанба куни “Севилья”га қарши кечган ўйинда иккита автогол туфайли ғалабани қўлдан бой берди.
"Биз ўйиндан-ўйинга ўтиб боряпмиз, шунинг учун бугун биз Премьер-лигада бир қадам ташладик ва энди бор эътиборни кейинги ўйинга қаратишимиз керак. Ўзимизни яна исботлашимиз керак.
"Биз пайшанба куни хато қилдик, шунинг учун биз ҳозир ўзимизни қутқаришимиз кераклигини биламиз. Биз йўл қўймаслик керак бўлган хатоларга йўл қўйдик, шунинг учун энди ўзимизни исботлаш ва у ерда ғалаба қозониш учун Севильяга боришимиз керак" - деди Тен Хаг talkSPORT билан суҳбатда.
