Каталониянинг "Барселона" клуби раҳбари Жоан Лапорта Ла Лига президенти Хавьер Тебас, шунингдек, "кўк-анорранглилар" коррупцияда айбланаётгани ҳақидаги фикрлари билан ўртоқлашди.
"Барселона" судсиз ҳукм қилинди. Биз ўз номимизни ва бутун футбол оламининг обрўсини хавф остига қўямиз. Айбловлар исботланиши керак. Клубни ҳеч қандай сабабсиз айблашмоқда.
Шуни таъкидлашни истардимки, Тебас бу вақт давомида ўзини жуда масъулиятсиз тутди. У бемаъни назарияларни тарқатишни бас қилиши керак. Бу хатти-ҳаракат лигага зарар келтиради", - деди Лапорта Marca билан суҳбатда.
Охирги ўйинда "Барселона" "Хетафе" билан дуранг ўйнади. 29-турдан кейин “кўк-анорранглилар” 73 очко билан Ла Лига турнир жадвалида пешқадамлик қилмоқда.
