Март ойи ўрталарида «Арсенал» ҳимоячиси Уильям Салиба Европа лигаси доирасида «Спортинг»га қарши ўйинда белидан жароҳат олганди.
22 ёшли футболчи тез орада машғулотларга қайтиши керак, аммо Салибанинг «Манчестер Сити»га қарши АПЛнинг энг муҳим ўйини учун тикланишга вақти бўлмаса керак.
Evening Standart нашрининг ёзишича, франциялик футболчи мавсум якунига яқинроқ майдонга қайтиши кутилмоқда.
Эслатиб ўтамиз, «Манчестер Сити» – «Арсенал» учрашуви 26 апрель, чоршанба куни бўлиб ўтади.
Салиба 2022/2023 йилги мавсумда «Арсенал» таркибида 33 та ўйин ўтказишга муваффақ бўлди. Уларда ҳимоячи учта гол урди ва шеригига битта голли узатма ёздириб қўйди.
