Федерико Вальверденинг иши Спорт мусобақалари қўмитасига юборилган.
Эслатиб ўтамиз, Вальверде Ла Лига ўйинидан кейин стадионнинг автотураргоҳида "Вильярреал" футболчиси Алекс Баэнанинг юзига мушт туширган эди. Маълум қилинишича, можарога Баэнанинг “Реал” ярим ҳимоячиси ва унинг рафиқаси фарзандидан айрилиши мумкинлиги ҳақидаги сўзи сабаб бўлган.
Кейинроқ Баэна ҳужум ҳақида полицияга хабар берган. "Вильярреал" ярим ҳимоячиси Вальверде оиласи ҳақида ҳеч нарса айтмаганини билдирмоқда.
17 апрель, душанба куни зўравонликка қарши қўмита йиғилиши бўлиб ўтди, унинг натижасида Вальверде ишини Испания футбол федерациясининг спорт мусобақалари қўмитасига топширишга қарор қилинди.
Иш бўйича қўмита йиғилиши 19 апрель, чоршанба куни бўлиб ўтади. "Реал" ярим ҳимоячиси Ла Лигада 4 тадан 12 та ўйингача дисквалификация қилиниши мумкин. Қайд этилишича, охирги эҳтиёт чораси бир ярим ойдан кейин маълум бўлади.
