Осиё чемпионлар лигаси чорак финал баҳслари доирасида "Сепоҳон" (Эрон) ва "Ал-Аҳли" (Саудия Арабистони) жамоалари ўртасидаги Исфаҳонда бўлиб ўтган дастлабки ўйинда мухлислар томонидан ножўя ҳаракатлар кузатилганини учрашув комиссари ОФКга хабар берган.
Ўйиннинг 64-дақиқасида майдон бурчагида ҳаракатланаётган қанот ҳакамига буюмлар улоқтирилган. Буюмлардан бири фейервек бўлиб, ҳакам ёнига келиб портлаган. Бош ҳакам ўйинни тўхтатиб қўйган ва 5 дақиқадан кейин давом эттирилган.
Ўйин комиссари бу ҳолатни ўз ҳисобитида акс эттирган ва тафтиш ўтказиш учун ОФК ҳуқуқий бўлимига топширган.
Эслатиб ўтамиз, "Сепоҳон" - "Ал-Аҳли" ўйинида ҳисоб очилмади.