Чап қанот ҳимоячиси Альфонсо Дэвис "Бавария" билан мавсум охиригача янги шартнома борасида музокаралар олиб бормайди.
Томонлар жорий мавсум давомида дастлабки музокараларни ўтказган, бироқ ҳозирча бу масала бўйича аниқ маълумотлар йўқ. Канадалик футболчининг амалдаги шартномаси 2025 йилда тугайди. Журналист Мануел Ветнинг ёзишича, Дэвиснинг "Бавария"даги келажаги борасида қарор ёзда қабул қилинади. Унгача 22 ёшли футболчи бутун эътиборини футболга қаратиш ниятида.
Альфонсо Девис жорий мавсумда 36 та ўйинда 2 та гол ва 8 та голли узатмага муаллифлик қилди.
