"Милан" ҳимоячиси Симон Кьер "Наполи"га қарши Чемпионлар лигаси 1/4 финал жавоб ўйини олдидан матбуот анжуманида ўз фикрларини билдириб ўтди. Дастлабки ўйинда "россонерилар" ўз майдонида 1:0 ҳисобида зафар қучганди.
"Биз яна қачон бундай даражадаги ўйинларни ўйнашимизни билмаймиз. Бундай кечалар, бахтми ёки афсуски, умр бўйи эсда қолади. Лекин айнан шу кечалар учун футбол ўйнаймиз. Ҳиссиётлар учун, адреналин учун. "Сан-Сиро"даги биринчи ўйин фаолиятимдаги энг яхши ўйинлардан бири бўлди. Энди бу бошқа ўйин бўлади. Бу ўйинлар бошқача туйғу беради", - деди Кьер УЕФА расмий сайтига.
