Каталониянинг "Барселона" клуби ўзининг клубдаги дебют мавсумини ўтказаётган қанот ҳужумчиси Рафинья Диаснинг хатти-ҳаракатидан норози.

Журналист Фернандо Полонинг сўзларига кўра, "Барселона" Рафиньянинг ўйин вақти ҳақида доимий шикоят қилишидан чарчаган. Яқинда бразилиялик футболчи ҳар бир ўйинда асосий таркибда ўйнаш истаги борлигини маълум қилиб, клубдаги ўрнидан норози эканини таъкидлади. Қолаверса, “Барселона” Рафиньянинг машғулотлардаги хатти-ҳаракатларидан ҳам қониқмаяпти.

Эслатиб ўтамиз, Рафинья келаси ёзда "Барселона"ни тарк этиш учун номзодлардан бири ҳисобланади. Жамоага янги ўйинчиларнинг трансфери учун пул топиш учун уни сотиши мумкин.