Туркия чемпионатининг навбатдаги турида Истанбулнинг “Галатасарой” клуби “Кайсериспор”ни қабул қилиб, рақиб дарвозасига жавобсиз олтита гол урди. Голлардан бирини ўтган қишда жамоага кўчиб ўтган Николо Дзаньоло киритди, шунингдек бельгиялик Дрис Мертенснинг жорий мавсумда "Галатасарой" сафида йигирма бешинчи ўйинини ўтказганини ҳам қайд этишимиз мумкин.
Бу унинг клуб билан шартномаси автоматик равишда узайтирилганини англатади. Ҳозирча “Наполи”нинг собиқ тўпурари Туркия Суперлигаси турнир жадвалида ишончли тарзда пешқадамлик қилаётган янги жамоаси сафида ўтказилган ўйинларда 6 та гол урди ва 3 та голли узатмани амалга оширди.
