"Ливерпуль" ҳужумчиси Диого Жотанинг фикрича, "Лидс" устидан қозонилган ғалаба жамоанинг Премьер-лиганинг кейинги ўйинларидаги ғалабали сериясининг бошланиши бўлиши мумкин.
"Ишониш керак. Лекин биз буни фақат ўйинларда ғалаба қозониш орқали амалга ошира оламиз. Албатта, бугун биз тўғри йўналишда қадам ташладик.
Ўйлайманки, бу мавсумда яхши натижаларга эришдик, яхши ғалабаларга эришдик, лекин буни ривожлантира олмадик. Шу боис, умид қиламанки, бу сафар ҳам ушбу ҳаракатимизни давом эттирамиз ва қолган барча баҳсларда ғалаба қозонамиз.
Биламизки, АПЛда ҳар бир ўйин қийин кечмоқда, айниқса мавсум охирига келиб, ҳамма нима учундир курашаётган, рақобат кучайиб бораётган бир пайтда. Лекин бу бизга ёқади, яхши ўйинлар ёқади. Умид қиламизки, яна ғалаба қозонамиз", - деди Жота.
