"Барселона" "Челси" ҳужумчиси Пьер-Эмерик Обамеянгни қайтариш шартларини эълон қилди.

Эслатиб ўтамиз, габонлик ҳужумчи ўтган ёзда "Камп Ноу"ни тарк этиб, 12 миллион евро эвазига "Челси"га кўчиб ўтганди, у ерда ҳозирда у камдан-кам ҳолларда ҳаттоки АПЛ ўйинлари учун кенгайтирилган таркибга ҳам кира олмаяпти.

Sport нашрининг хабарига кўра, "Барселона" Обамеянгни қайтиши учун маошини икки баробар қисқартириши кераклиги ҳақида огоҳлантирган. Манбага кўра, габонлик футболчи бундай қадамни ташлашга тайёр. "Барселона" ҳужумчини ижарага ёки эркин агент сифатида қўлга киритмоқчи. Эслатиб ўтамиз, футболчининг "Челси" билан шартномаси 2024 йилнинг ёзига қадар тузилган.