"Астон Вилла" бош мураббийи Унаи Эмери Бирмингем клуби бошқарувидаги илк трансферларидан биридан жуда мамнун. Испаниялик мутахассис январь ойида "Бетис"дан жамоага келиб қўшилган чап қанот ҳимоячиси Алекс Моренонинг ўйинидан мамнун.
Birmingham Mail нашрининг ёзишича, Эмери Моренонинг Англия Премьер-лигасига тез мослашганидан ҳайратда. Эслатиб ўтамиз, ўтган ёзда испаниялик футболчи "Ноттингем Форест"га ўтиши мумкин эди, аммо якунда бу имкониятдан воз кечишга қарор қилганди.
Морено жорий мавсумда 13 та ўйинда майдонга тушиб, 3 та голли узатмани амалга оширди.
