Леверкузеннинг “Байер” клуби ярим ҳимоячиси Флориан Вирц Англия Премьер-лигаси клубининг қизиқишлари объектига айланди. Журналист Экрем Қўнғирнинг ёзишича, германиялик ярим ҳимоячи “Манчестер Сити”нинг эътиборини тортмоқда.
19 ёшли Вирц яқинда жиддий жароҳатдан сўнг сафга қайтишга муваффақ бўлди, шу сабабли у деярли бир йилни ўтказиб юборди. Олдинроқ Флориан ёзда "Байер"ни тарк этмаслиги, чунки у "фармацевтлар" лагерида ўз ютуқларини давом эттирмоқчи эканлиги ҳақида хабар берилганди.
Вирц жорий мавсумда Бундеслигада 12 та ўйинда майдонга тушиб, 1 та гол урди ва 6 та голли узатмани амалга оширди.