“Милан” Чемпионлар лигасининг ярим финалига қадар етиб бориш бўйича “Ювентус” билан тенглашди.
Мураббий Стефано Пиоли жамоаси “Наполи”ни мағлуб этди (икки ўйин натижасига кўра 2:1) ва турнирнинг 1/2 финалига йўл олди.
Миланликлар еттинчи марта Чемпионлар лигасининг ярим финалига чиқди (бошқа Еврокубоклар бундан мустасно) ва бу кўрсаткич бўйича "Ювентус"га етиб олди.
"Милан" ва "Ювентус" - ЕЧЛда Италиянинг энг кўп ярим финал босқичига чиққан клублари ҳисобланади.
Қўшимча қиламизки, "россонерилар" 2007 йилдан бери илк марта ярим финалга чиқди.
