«Наполи» ярим ҳимоячиси Хвича Кварацхелия Чемпионлар лигаси 1/4 финали жавоб учрашувидаги «Милан» билан дурангдан кейин (1:1) мухлисларга мурожаат қилди. Неаполликлар турнирдан чиқиб кетди.
«Кўзларингиз ёшга тўлганини кўриш мен учун қийин. Бугунги тажрибадан хулоса чиқариш учун қўлимдан келганини қиламан.
Ишончни оқлай олмаганим учун чуқур афсусдаман. Мен барчангизни яхши кўраман ва ваъда бераман, биз кучлироқ бўлиб қайтамиз! Олдинда кўплаб ўйинлар бор, шунинг учун орзу давом этади», - деб ёзди Хвича ижтимоий тармоқда.
