«Napoli» yarim himoyachisi Xvicha Kvarasxeliya Chempionlar ligasi 1/4 finali javob uchrashuvidagi «Milan» bilan durangdan keyin (1:1) muxlislarga murojaat qildi. Neapolliklar turnirdan chiqib ketdi.
«Ko‘zlaringiz yoshga to‘lganini ko‘rish men uchun qiyin. Bugungi tajribadan xulosa chiqarish uchun qo‘limdan kelganini qilaman.
Ishonchni oqlay olmaganim uchun chuqur afsusdaman. Men barchangizni yaxshi ko‘raman va va’da beraman, biz kuchliroq bo‘lib qaytamiz! Oldinda ko‘plab o‘yinlar bor, shuning uchun orzu davom etadi», - deb yozdi Xvicha ijtimoiy tarmoqda.
