"Милан" ҳужумчиси Оливье Жиру ЕЧЛ чорак финалида "Наполи"га қарши жавоб учрашуви натижаси ҳақида гапирди.
"Пенальтини ноаниқ амалга оширганимдан хафа бўлдим. Узоқ вақтдан бери пенальти борасида омадсизликка учрамаётгандим. Бу хато мени хафа қилди. Лекин энг муҳими биз ўйинда қолдик. Мен ҳали ҳам имкониятимни қўлга киритишимни билардим. Леау бунинг учун ҳамма нарсани қилди. Мен тўғри жойда бўлдим ва гол урдим. Бу ажойиб эди!" - деди Жиру УЕФА матбуот хизматига.
"Милан" "Наполи"ни умумий ҳисобда 2:1 ҳисобида мағлуб этиб, Чемпионлар лигаси ярим финалига йўл олди. Финалга чиқиш учун Пиоли шогирдлари "Интер" - "Бенфика" жуфтлиги ғолиби билан куч синашади.
