Чемпионлар лигаси чорак финал жавоб учрашувида Миланнинг “Интер” клуби Лиссабоннинг “Бенфика” жамоасини қабул қилади. Жамоа бош мураббийи Симоне Индзаги ушбу учрашув ҳақида фикр билдирди.
“Рақибимиз қанчалик яхши эканини тушунамиз. Бу қийин ўйин бўлади, унда биз барча энг яхши фазилатларимизни намоён этишимиз керак бўлади. Ғалаба қозониш учун биргаликда ҳаракат қилишимиз керак. Чемпионлар лигасининг ярим финалига чиқиш учун бизда катта имконият бор”, — деди УЕФА матбуот хизматига.
"Интер" ва "Бенфика" ўртасидаги жавоб учрашуви 19 апрель куни "Жузеппе Меаца" стадионида бўлиб ўтади.
