"Барселона" жамоаси ҳужумчиси Роберт Левандовски ёзда шартномаси тугайдиган "ПСЖ" футболчиси Лионель Месси билан бир жамоада ўйнашни истамоқда. Журналист Фернандо Полонинг сўзларига кўра, польшалик ҳужумчи Месси билан ажобий тандем бўлиши мумкинлигига ишонмоқда.

Эслатиб ўтамиз, Месси эркин агент сифатида "Барселона"га қайтишни истамоқда, аммо "кўк-аноранглилар" молиявий фейр-плэй чекловлари туфайли ўз имкониятларига ишончлари комил эмаслиги сабабли ҳали ҳам келишув имкониятини ўрганишмоқда.

Левандовски жорий мавсум Испания чемпионатининг энг яхши тўпурари ҳисобланади. Ҳужумчи 25 ўйинда 17 гол ва 6 голга ассистентлик қилган.