"Барселона" "ПСЖ" ҳужумчиси Лионель Мессининг трансфери клуб молиявий ҳолатига ижобий таъсир кўрсатишига умид қилмоқда.
Mundo Deportivo хабарига кўра, "Барселона" Мессини спорт, ҳиссиёт ва молиявий сабабларга кўра қайтаришни истамоқда. Клубга яқин манбаларнинг фикрича, Мессининг қайтиши "Барселона"нинг келаси мавсумдаги умумий суммасининг 25 фоизини ташкил қилиши мумкин. Клубдаги баъзи прогнозларга кўра, бу нисбат 33 фоизга етиши мумкин.
Манбага кўра, "Барселона" 35 ёшли аргентиналик футболчига 1 ёки 2 йиллик шартнома таклиф қилишни режалаштирмоқда. Агар Месси иккинчи вариантга рози бўлса, клубнинг 125 йиллигига бағишланган тадбирларда иштирок этади.
Олдинроқ "Барселона" президенти Жоан Лапорта Месси жамоага қайтишини айтганди.
