Чемпионлар лигаси 1/4 финалининг жавоб ўйинида “Милан” “Наполи” билан дуранг ўйнади – 1:1. Икки ўйинли қарама-қаршилик йиғиндисига кўра, "россонерилар" неаполликларни мағлуб этди (2:1) ва турнирнинг ярим финалига йўл олди.
Эслатиб ўтамиз, “Милан” клуби жорий Чемпионлар лигасида ғалаба қозонган тақдирда, ҳужумчи Златан Ибраҳимович медаль ололмайди. Гап шундаки, 41 ёшли швециялик ҳужумчи "россонерилар"нинг еврокубоклар учун қайдномасига киритилмаган.
Чемпионлар лигаси ярим финалида "Милан" "Интер" ва "Бенфика" қарама-қаршилиги ғолиби билан тўқнаш келади. Дастлабки баҳсда Симоне Индзаги шогирдлари 2:0 ҳисобида зафар қучганди.
