"Манчестер Сити" ярим ҳимоячиси Илкай Гюндоган "Барселона" клубига маош борасидаги талабларини илгари сурди. Mundo Deportivo нашри хабарига кўра, футболчи "кўк-анорранглилар" раҳбариятидан йилига 10 миллион евро талаб қилган.
Манбага кўра, аввалроқ "Барселона" бундай пулни бемалол тўлашга қурби етган бўлса, ҳозирда клуб молиявий муаммоларга дуч келмоқда. "Барселона"га ўтиш учун Гюндоган маошини камайтириши керак.
Мавсум охирида Илкай эркин агентга айланиши мумкин, чунки унинг Хосеп Гвардиола жамоаси билан шартномаси тугайди. Гюндоган аввалроқ Германия Бундеслигаси клубларига ўтиши мумкинлиги ҳақида хабарлар тарқалганди.
